Dövlət Şəhərsalma və Arxitektura Komitəsinin Şəhərsalma şöbəsi bu haqda mediaya məlumat vermişdi.

Bildiyimiz kimi, artıq Lomonosov adına Moskva Dövlət Universitetinin Bakıdakı filialı şəhər ətrafına köçürülüb. Paytaxtdakı universitetlərin əksəriyyətinin şəhərin mərkəzində yerləşməsi avtomobil sıxlığının daha da artmasına səbəb olur, bu universitetlərdə təhsil alan tələbələrin də öz şəxsi avtomobillərindən istifadə etməsi və ya valideynlərin övladlarını maşınla gətirməsi də şəhərdə tıxacların yaranmasına şərait yaradır.

Köçürülməsi nəzərdə tutlan təhsil ocaqlarının Sumqayıt , Abşeron, Saray və Ceyranbatan ərazilərində yerləşdiriləcəyi nəzərdə tutulub.

Bəs görəsən ali təhsil müəssisələrinin bəzilərinin Sumqayıt şəhərinə köçürülməsi şəhərimiz üçün hansı müsbət yönümlü dəyişikliklərə səbəb ola bilər?

"Adətən paytaxt şəhərlərin yükünü azaltmaq məqsədiylə universitetlərin kənarda yerləşdirilməsi məqsədəuyğundur və ali təhsil ocaqlarının bəzilərinin Sumqayıta köçürülməsi çox gözəl ideyadır”.

Bu sözləri Xeberle.com-amövzu haqda danışarkən millət vəkili Tahir Mirkişili bildirib. O, həmçinin qeyd edib ki, Sumqayıt paytaxta ən yaxın şəhərdir və infrastruktur tam formalaşıb. Eyni zamanda Sumqayıtda yeni universitet binaları inşa etmək üçün ərazilər kifayət qədər genişdir. Bu ideyanın reallaşması əhali üçün də əlverişli ola bilər, 500 000-dən artıq əhalisi olan Sumqayıtdan da paytaxta elm arxasınca gedənlər az deyil və bütün bunlarla yanaşı, bu, yeni iş yerlərinin açılması deməkdir. Məsələnin ikinci tərəfi isə iqtisadi tərəfdir, çünki ali təhsil ocağının yeni binasının tikilməsi kifayət qədər maddi vəsait tələb edən layihədir. İndiyə qədər də bu ideyaların gerçəkləşməməsi səbəblərindən biri də, bunun üçün kifayət qədər maddi resursların ayrılması ilə əlaqəli aparılan sorğularda mənbənin hələ ki, tam tapılmamasıdır. Bu, ən azından digər şəhərlərə nisbətən daha az maliyyə vəsaiti tələb edə bilər ki, bu da universitetlərin köçürülməsi işini sürətləndirə bilər. Nəticə etibarı ilə Sumqayıt iqtisadi baxımdan da inkişaf etmiş olar.

Sumqayıta o universitetləri köçürmək olardı ki, birbaşa şəhərdə yerləşən sənaye müəsisələri ilə, kimya sənayesi ilə yaxınlığı olsun

"Ali təhsil ocaqlarının Sumqayıt şəhərinə köçürməkləheç bir müsbət dəyişiklik əldə etmiş olmayacağıq, əksinə paytaxtdakı sıxlığın yerini dəyişmiş olarıq”.

Bu fikirləri Xeberle.com-a məsələ ilə bağlı danışarkən təhsil üzrə ekspert Kamran Əsədov bildirib. Ekspert həmçinin vurğulayıb ki, ərazi baxımından Sumqayıt ilə Bakı arasında elə də böyük məsafə yoxdur, bu səbəbdən də universitetlərin paytaxtda, yaxud Sumqayıtda olmasının heç bir fərqi yoxdur. Düzdür, Bakının yükünün azaldılması üçün universitetlərin köçürülməsi yaxşı ideyadır. Universitetlər paytaxtdan kənara çıxarılmalıdır ki, insanlar bir mərkəzdə cəmlənməsin, nəqliyyat sıxlığı kimi problemlərdə yaşanmasın. Bu digər sahələrə də təsir edir. Düzdür, iqtisadi baxımdan əlverişli ola bilər, alqı-satqı və digər xidmət sektorları, kirayə mənzil bazarı üçün əlverişli şəraitdir. Sumqayıtda hazırda bir universitet və iki kollec fəaliyyət göstərir. Sumqayıt o qədər də böyük şəhər deyil ki, 20 000 tələbəsi olan bir universiteti köçürək bura. Bu gün Sumqayıtın infastrukturu əlverişli ola bilər, iqtisadi baxımdan da əlverişli olardı universitetlərin bura köçürülməsi, lakin məqsəd Bakının yükünü azaltmaqdırsa, o zaman bir az uzaq məsafələrdə yerləşən regionları seçmək lazımdır.

Düşünürəm ki, Sumqayıta o universitetləri köçürmək olardı ki, birbaşa şəhərdə yerləşən sənaye müəsisələri ilə, kimya sənayesi ilə yaxınlığı olsun. Şəhərdə yerləşən neft-kimya massivlərində profilə uyğun təhsil alan tələbələr eyni zamanda da təcrübə keçmiş olacaqlar. Lakin bu dəfədə paytaxtda yaranan sıxlığı Sumqayıta daşımış olacağq. Bakıda fəaliyyət göstərən təkcə 3 universitetə gün ərzində 90 min insan daxil olur və çıxır. Sumqayıt bu yükə qətiyyən hazır deyil. Rayonlar necə ki sosial iqtisadi göstəricilərinə görə bölünübsə universitetlərində köçürülməsi bu plan üzrə aparılmalıdır. Köçürülmə zamanı da nəzarət edilməlidir ki, təhsilin keyfiyyəti yüksək olsun ki, insanların regionlarda təhsil almağa marağı olsun. Eyni universitet paytaxtda da var, regionlarda da, təbii ki, bu zaman seçim paytaxt olacaq. Bu gün biz hansısa təhsil müəsisəsini regiona köçürdürüksə, təhsilin keyfiyyətindən tutmuş, tələbə yataqxanalarına qədər olan incəlikləri nəzarətdə saxlamalıyıq. Bu o həddə çatmalıdır ki, paytaxtda olan universitet reginlardakı ali təhsil ocaqlarıyla rəqabət aparsın.”

Sumqayıtın Bakıya yaxın məsafədə yerləşməsi bu ideyaları reallaşdırmaq üçün əlverişlidir

Ali təhsil müəsisələrinin bəzilərinin paytaxtdan Sumqayıta köçürülməsi mövzusunda iqtisadçı fikirləri də önəmlidir deyib, eyni sualla iqtisadçı Natıq Cəfərliyə müraciət etdik. İqtisadçı bildirdi ki, "Bütün dünya praktikasında da universitetlərin iqtisadi aktivlik yaradan multiplikativ effektə malik olması öz təsdiqini tapıb.Bu səbəbdən də, Azərbaycanın bir çox şəhərlərində cəlbedici universitetlərin olması vacib qərar olardı. Çünki Bakı həm inzibati hökümət, dövlət orqanları idarələri , həmdə universitetlərlə kifayət qədər yüklənib. Sumqayıtın Bakıya yaxın məsafədə yerləşməsi bu ideyaları reallaşdırmaq üçün əlverişlidir. Lakin dövlət universitetlərinin binalarının regionlara köçürülməsi çox böyük perspektiv nəticələr verə bilər. Bu addımı atmaqla regionların da iqtisadi aktivliyini artırmış olarıq.”

Xədicə Səxavətqızı

Xeberle.com