Sumqayıt şəhər Səhiyyə Şöbəsində kadr islahatları davam edir.
Xeberle.com-un məlumatına görə, şəhər səhiyyə şöbəsinin müdiri Nəriman Baxşəliyev tutduğu vəzifədən azad olunduqdan sonra daha bir yüksək vəzifəli şəxs postuyla vidalaşmalı olub. İyirmi ildən yuxarıdır ki, Sumqayıt şəhər Səhiyyə Şöbəsində çalışan və müdir müavini vəzifəsinə kimi yüksələn Bərxudar Məmmədov tutduğu vəzifədən azad olunub.
B.Məmmədov bu vəzifədə uzun illər çalışıb və indiyədək "toxunulmaz şəxs” olub. Sumqayıt səhiyyəsinin "boz kardinalı” adlandırılan B.Məmmədov bu müddət ərzində bir neçə müdirlə çalışıb. Onun vəzifəsindən çıxarılmasının səbəbləri məlum deyil.
Yeri gəlmişkən, hazırda Sumqayıt şəhər Səhiyyə şöbəsinin müdiri postu müvəqqqəti olaraq baş inspektor Səkinə Sadıxovaya həvalə olunub.
Tunar Soytürk
Xeberle.com
Xəbərdən istifadə edərkən istinad etmək vacibdir.
