Artıq xəstəxananın boşaldıldığı da yer alan informasiyalar arasındadır. Xəstəxanada çalışanların isə təyinatı üzrə digər tibb müəssisələrinə göndərildiyi deyilir.

Məsələ ilə bağlı Sumqayıt şəhər Səhiyyə şöbəsinin müdir əvəzi Səkinə Sadıxovayla əlaqə saxladıq. S. Sadıxova Xeberle.com-a açıqlamasında sözügedən xəstəxanasını profilinin dəyişdirilərək sanatoriya olacağı barədə yayılan məlumatların əsassız olduğunu dedi. Müdir əvəzi xəstəxanada əsaslı təmir işlərinin aparılacağını və orada çalışan tibbi personalın isə təyinatı üzrə Sumqayıtda fəaliyyət göstərən səhiyyə müəssisələrinə göndərildiyini bildirdi: "Xəstəxana əsaslı təmir ediləcək, bu müddət ərzində isə orada çalışan həkimlər, tibb bacıları və digər işçilər təyinatı üzrə Dəri-zöhrəvi dispanserin əvvəlki binasına, cərrahiyyə şöbəsi isə 1 saylı Sumqayıt şəhər xəstəxanasına köçürülüb. Köçürülmə işlərinin ayın sonunadək başa çatıdırlması nəzərdə tutulur. Təmir işlərinin başlanacağı və bitmə tarixi ilə bağlı isə heç bir məlumata malik deyiləm".

Xatırladaq ki, 27 ildir fəaliyyət göstərən tibb müəssisəsində bu müddət ərzində əsaslı təmir işləri aparılmayıb.

Sözügedən xəstəxana çox profilli xüsusi ixtisaslaşdırılmış tibbi yardım müəssisəsidir.

Xədicə Səxavətqızı

Xeberle.com