Azərbaycan Mərkəzi Bankı (AMB) 2017-ci ilin aprel ayından etibarən 1 ABŞ dollarının məzənnəsini 1.70 manat səviyyəsində sabitləyib.
Xeberle.com "Marja”ya istinadən xəbər verir ki, bu "Standard&Poors” (S&P) beynəlxalq reytinq agentliyinin açıqlamsında bildirilir.
S&P, Azərbaycanın reytinqinə yenidən baxaraq ölkəmizə dair proqnozlar da verib. Yenilənmiş proqnoza görə, 2019-cu ilin sonunda dollar/manat məzənnəsi 1.79 manat səviyyəsinə, 2020-ci ilin sonunda 1.87 manata, 2021-ci ilin sonunda isə 1.97 manata qalxacaqdır.
"Standard & Poors” qeyd edib ki, əgər neftin qiyməti daha düşərsə manat ucuzlaşdırılacaqdır.
Agentliyin fikrincə Azərbaycan Mərkəzi Bankı bu ilin dekabr ayından məzənnəni operativ tənzimləməyə başlayacaqdır.
Xəbərdən istifadə edərkən istinad etmək vacibdir.
