Bakı
sakinlərindən biri ATV-də yayımlanan
"Bizimləsən” verilişinə pul qabını itirdiyi il əbağlı müraciət edib. Bildirilib ki,
hadisə martın 13-də Binəqədi rayonu ərazisindəbaş verib. Belə ki, Vəsilə adlı xanım aptekə daxil olarkən pul kisəsini
yerə salıb. Onun arxasınca hərəkət edən yaşlı bir kişi qadının
düşürdüyü pul kisəsini götürərək ətrafa göz gəzdirib və oranı tərk edib.
Qadın pul
kisəsində 210 manat pul, şəxsiyyət vəsiqəsi, bank kartları və həyat yoldaşının
dərman resepti olduğunu bildirib.
Hadisənin görüntüləri canlı efirdə yayımlandıqdan sonra verilişə zəng vuran tamaşaçıların əksəriyyəti həmin şəxsin
Sumqayıt şəhərində yaşadığını və məktəblərdən birində əvvəllər direktor işləmiş Müqabil
adlı şəxs olduğunu iddia ediblər.
Xeberle.com həmin şəxsin kimliyi ilə bağlı araşdırma aparıb. Məlum olub ki, həmin verilişdə zəng vuran tamaşaçıların pul kissəsini götürdüyü iddia etdiyi şəxs Sumqayıt şəhər 2 nömrəli məktəbin keçmiş direktoru Müqabil
Abbasovdur.
M. Abbasov Xeberle.com-a açıqlamasında yayılan məlumatlardan
təəssüfləndiyini bildirib: "Görüntüdəki şəxs mən deyiləm. Verilişə zəng
vuran tamaçılar yanılırlar. Verilişin ötən gün yayımlanan buraxılışından öncə
studiyaya getdim və adımın hallanmasına etirazımı bildirdim. Yəqin ki, aidiyyatı qurumlar bununla bağlı
araşdırma aparıb həmin şəxsi taparlar. Telekanal özü araşdırma aparır və adımı oğurluqda hallandıran şəxslər məlum olduqdan sonra onları məhkəməyə verəcəyəm".
Qeyd edək
ki, veriliş tərəfindən araşdırma aparılıb və həmin şəxsin Müqabil Abbasov
olmadığı üzə çıxıb. Bildirilib ki, M. Abbasovun adını hallandıran tamaşaçılarla
bağlı hüquq-mühafizə orqanlarına məlumatlar təqdim olunacaq və məsələnin mahiyyəti
araşdırlacaq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
