Vaxtilə fəaliyyət
göstərmiş sanatoriyaların əksəriyyəti fəaliyyətini dayandırıb. Onlardan səmərəli istifadə olunub, minlərlə
insan bu cür sanatoriyalarda insanlar şəfa tapıb. Lakin indi onların əksəriyyəti
istifadəsizdir.
Xeberle.com-unməlumatına görə, belə sanatoriyalardan biri də
Sumqayıtda dənizə yaxın məsafədə yerləşən "Metallurq”
sanatoriya-profilaktoriyasıdır.
1962-ci-ci ildən fəaliyyətə başlayan minlərlə xəstənin şəfa tapdığı, insanların axın-axın gəldiyi
yodlu-bromlu suyu ilə keçmiş SSRİ-də
adla tanınmış bu sanatoriya təxminən 28 ildir fəaliyyətini dayandırıb. Hazırda sanatoriyanın binasında 1993-cü ildən Qubadlıdan qaçqın düşmüş 66 ailə məskunlaşıb.
Sanatoriya ərazisində
2 artezian quyusu var ki, bu quyulardan 280 metr dərinlikdən yodlu-bromlu su
çıxırdı. İndi isə bu artezian quyuları
işləmir və baxımsız vəziyyətdədir. Sanatoriyada müalicə alanlar gün ərzində 4
dəfə qida ilə təmin olunurdu. Müalicə prosedurlarına gəldikdə isə bu tibb müəssisəində
yodlu-bromlu su vannalarından, Naftalan vannası, sualtı, sirkulyar duşlardan,
idman terapiyası geniş şəkildə tətbiq edilirdi.
Bu
sanatoriyaya nəinki Azərbaycandan, keçmiş SSRİ-nin başqa respublikalarından da şəfa tapmaq üçün
üz tutanlar olurdu.
Bir vaxtlar
minlərlə insana şəfa bəxş edən sanatoriyanın indi isə özünün necə deyərlər şəfaya
ehtiyacı var.
Qeyd edək
ki, sanatoriyanın yerləşdiyi bina
2009-cu ildən Əmlak Məsələləri üzrə Dövlət Komitəsinə verilib.
Xatırladaq
ki, sözügedən sanatoriyaya uzun illər "Əməkdar həkim” Klara Germanovna rəhbərlik
edib. Sanatoriyanını fəaliyyətsiz olmağına baxmayaraq o, dünyasını dəyişənə
kimi hər gün işə gəlib-gedirmiş.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
