Fevralın 9-u yaxınlaşdıqca Azərbaycanda növbədənkənar parlament seçkilərinin həyəcanı da artır.
Bu seçki yarışını digərlərindən fərqləndirən önəmli bir məqam var
ki, şəhər və rayonların icra başçıları təşvişdədir.
Elə buna görə də paytaxt və əyalət
rayonlarının icra başçıları dairə və məntəqə sədrlərini toplayaraq
parlament seçkiləri ilə bağlı geniş iclas keçiriblər. İclasda DSK və
məntəqə sədrlərinə qeyri-qanuni hərəkətlərə, saxtakarlıq hallarına yol
verməmək tapşırılıb. Bildirilib ki, qanunun tələblərinə riayət etməyən
şəxslər cinayət məsuliyyətinə cəlb ediləcəklər. İcra başçıları qeyd
ediblər ki, bu əməllərə görə cavabdehlik daşımayacaqlar.
Xatırladaq ki, Prezident İlham Əliyev ölkədə keçirilən seçkilərə
məmurların və digər şəxslərin müdaxiləsinin yolverilməzliyi ilə bağlı
xəbərdarlıq edib və qanunsuz hərəkətlərə yol verənlərin ciddi şəkildə
cəzalandırılacağını deyib.
Qeyd edək ki, fevralın 9-da Azərbaycanda növbədənkənar parlament seçkiləri keçiriləcək.(unikal.org)
Xəbərdən istifadə edərkən istinad etmək vacibdir.
