Xeberle.com-un əldə etdiyi məlumata görə, koronavirus pandemiyası başlanan vaxtdan indiyədək Sumqayıt Dövlət Yanğından Mühafizə Qarnizonunun 11 əməkdaşının COVİD 19 testi pozitiv çıxıb. Koronavirusa yoluxan 11 nəfərdən 1 nəfəri evdə müalicəsini davam etdirir, 9 nəfəri sağalaraq xəstəxanadan evə buraxılıb. Virusa yoluxanlardan Sumqayıt şəhər Dövlət Yanğından Mühafizə Qarnizonunun 119 nömrəli Yanğından Mühafizə bölməsinin manqa komandiri, baş çavuş 1972-ci il təvəllüdlü Abdullayev Əsgər Nəsrəddin oğlu isə vəfat edib. İyirmi ilə yaxındır Sumqayıtda çalışan 48 yaşlı yanğınsöndürən iyun ayının 2-də koronavirusa yoluxub və 16 gün Quba rayon Mərkəzi xəstəxanasında müalicə alıb. Aparılan tibbi müdaxilələrə və həkimlərin səylərinə baxmayaraq Ə. Abdullayevi xilas etmək mümkün olmayıb və o, iyunun 19-da dünyasını dəyişib.

O, Bakıda Balaxanıda yaşayırdı və 1 övladı var. 

Tunar Soytürk