Bu barədə Xeberle.com-a açıqlamasında Sumqayıt şəhərinin baş epidomoloqu Könül Aslanova deyib: "Oktyabrın 6-sı tarixində 8 yoluxma faktı qeydə alındığı halda, 12 oktyabr tarixində bu rəqəm 20-yə qədər yüksəlib. Hazırda virusa yoluxma üzrə artım müşahidə olunur və yoluxmalar hamısı ailə daxilində baş verir".

Baş epidomoloq həmçinin qeyd edib ki, əhali qrupları arasında qrip əleyhinə vaksinasiya tədbirlərinə də başlanılır: "Vaksinasiya ilə əlaqəli olaraq şəhərin bütün poliklinika və xəstəxanaları tam hazır vəziyyətdədir, peyvənd otaqları ayrılıb. Lakin hələ Sumqayıt şəhəri vaksinlə təmin olunmayıb".

Məlumat üçün qeyd edək ki, vaksinasiya könüllü olaraq həyata keçiriləcək və ilk növbədə tibb işçiləri, hamilə qadınlar və xroniki tənəffüs yolları xəstəliklərinə malik olan 6 aylıqdan yuxarı uşaqlar və böyüklər vaksinasiyaya cəlb ediləcəklər.

Bu əhali qruplarından olan şəxslər yaşayış yeri üzrə əhaliyə xidmət göstərən ambulator-poliklinik müəssisələrə müraciət edərək, həkim baxışından keçib peyvənd vurdura bilərlər.

Peyvənd pulsuz olacaq.

Xədicə Səxavətqızı