Sumqayıt şəhər 1 və 2-ci məhəllə sakinləri yaşadıqları ərazidə sahibsiz itlərin artmağından narahatdırlar.
Sakinlər bu barədə Xeberle.com-a müraciətlərində bildiriblər: "İtləri çox adam sevir, amma bu qədər şəhərdə olması absurddur. 1 və 2-ci məhəllədə, (Nəsimi parkı da daxil olmaqla) ümumən bu ərazilərdə itlər çoxdur. Ən azı bəlkə bir həyətdə 10-a yaxın it olur. Nə parkda, nə həyətdə normal gəzə bilirik. Özü də quduzdular. Dişləmə hadisəsi də kifayət qədər olub. Biz bunlarla bağlı hara şikayət edək?”
Mövcud məsələ ilə bağlı Sumqayıt şəhər Təmizlik Departamenti ilə əlaqə saxladıq. Departamentdən Xeberle.com-a bildirildi ki, məişət tullantıları poliqonunda sahibsiz itlərin saxlanc yeri var, vaxtaşırı şəhərdə küçə itləri təmizlənib həmin əraziyə aparılır: "Hazırda şikayət olunan ərazini də, nəzarətə götürdük, yaxın zamanda ərazi təmizlənəcək".
Qurumdan o da bildirildi ki, ötən dövr ərzində şəhər ərazisindən 200-dən çox it uzaqlaşdırılaraq poliqon ərazisinə aparılıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
