Azərbaycan Respublikası Gənclər Fondunun maliyyə, Abşeron-Xızı Regional Gənclər və İdman İdarəsinin və Sumqayıt Gənclər Evinin təşkilati dəstəyi ilə 30 avqust 2025-ci il tarixində Gənclər Evində Sumqayıt Tələbələri İctimai Birliyi tərəfindən Gənclər Fondunun rəqəmsal mövzuda qrant müsabiqəsi çərçivəsində "Gənclərə öz karyera yollarını seçməkdə kömək edən - çatbotlar" layihəsinin bağlanış mərasimi həmçinin layihə çərçivəsində yaradılmış çatbotun təqdimatı keçirilib.
Tədbirdə çıxış edənlər ölkəmizdə uğurla həyata keçirilən dövlət gənclər siyasətindən, Gənclər Fondunun və İctimai Birliyin fəaliyyətindən və layihənin icrası istiqamətində görülmüş işlərdən danışıblar.
Daha sonra hazırlanmış "Youthbot"adlı çatbot gənclərə təqdim edilib və ətraflı məlumat verilib.
Bildirilib ki, hazırlanmış çatbot vasitəsilə informasiyalara sürətli çıxış imkanları, gənclərin karyera qurmaqda məlumatlandırılması, karyera bacarıqlarının inkişafı və gələcək illərdə hansı peşənin perspektivli olduğunun öncədən bilmək şansı və bu kimi digər sorğuların ani mesajla cavablandırılmasının mümkün olacağı bildirilib.
Çatbotda təhsil, karyera və təlim paneli yaradılıb ki, bu panellər vasitəsilə mövzu ətrafında verilən suallara qısa vaxtda cavab almaq imkanı yaranacaqdır.
Xəbərdən istifadə edərkən istinad etmək vacibdir.
