Mühacirlərin daha yaxşı həyat üçün Avropaya üz tutması növbəti dəfə faciə ilə nəticələnib.
ATV.az xəbər verir ki, Yunanıstana getmək üçün Türkiyənin Balıkesir şəhəri yaxınlığından Egey dənizinə üz tutan mühacirlərlə dolu qayıqların batması nəticəsində ölənlərin sayı sürətlə artır. Ən son məlumatlara görə, artıq dənizdən 36 nəfərin cəsədi çıxarılıb. Ölənləri arasında 3 azyaşlı uşaq da var.
Əlaqədar qurumların açıqlamasına görə, cəsədlərdən çoxu Ayvalık, müəyyən hissəsi isə Dikili sahilində aşkarlanıb. Xilas edilən mühacirlər xəstəxanada həkim nəzarətinə götürülüb.
Faciədə dünyasını dəyişənlərin milliyəti dəqiqləşdirilir. İlkin ehtimallara görə, qayıqların batmasına əlverişsiz hava şəraiti səbəb olub. Faktla bağlı araşdırmalar davam edir
Xəbərdən istifadə edərkən istinad etmək vacibdir.
