Sumqayıt şəhərində Allahın yer üzündə höccəti, xəlifəsi və möminlərin əmiri Həzrət Əli ibn Əbu Talibin(ə) mübarək mövlüdu münasibətilə məclis keçirilib. 

İslaminsesi.az-ın verdiyi xəbərə görə, məclis AİP Sumqayıt rayon komitəsinin özək üzvləri tərəfindən təşkil olunub. Tədbirdə partiyanın bir çox üzvləri və şəhərin dindar sakinləri iştirak edib. 

Məclis Qurani-Kərimin tilavəti ilə başlandı. Mərasimdə tanınmış din xadimləri- Corat qəsəbəsi dini icmasının sədri, ilahiyyatçı alim Hacı Sahib Məmmədov, ruhanilər- Kərbəlayi Səməndər və Seyran Rzayev çıxış edərək Həzrət Əlinin(ə) ali məqamı, yüksək dərəcəsindən danışdılar, Onun din uğrunda apardığı misilsiz mücadilədən söz açdılar. Məclisdə, həmçinin, həzrət Əlinin(ə) şəninə şeirlər oxundu.

Mərasimdə həmçinin, AİP Sumqayıt rayon komitəsinin sədri Kərbəlayi Vüqar İbayev və AİP-in sabiq sədr müavini Hacı Arif Qəniyev də iştirak edib.

Tədbirin sonunda bütün iştirakçılar İmam adına açılmış ehsan süfrəsinə dəvət edilib.