ABŞ-ın Korleyn şəhərində (Ohayo ştatı) 21 yaşlı Metyu A.Heyden (Matthew A. Hayden) iki bacısını güllələyib və öz dostunu yaralayıb.

Hadisə ötən gün baş verib. Polisin yaydığı məlumata görə, Metyu bir neçə dəfə Sara və Elizabet Heydenin, həmçinin 17 yaşlı Coşua Hakerin olduğu valideynlərinin mikroavtobusunu atəşə tutub. 17 və 16 yaşlı bacılar hadisə yerində ölüb, cinayətkarın dostu isə xəstəxanaya aparılıb. Həkimlər onun vəziyyətinin sabit olduğunu bildirib. 

Şəhər polis rəsmisinin nümayəndəsi Cim Lav vurğulayıb ki, hadisə zamanı evdə adamlar olub, lakin onlar Haydenin "Beretta” tipli tapançadan necə atəş açdığını görməyiblər. 

Məlumata əsasən hadisə barədə polisə qatilin anası Ancela Heyden müraciət edib. 

"Deyəsən o, dəli olub”, - deyə onun anası bəyan edib. 

Qatil hadisə yerinə gələn polislərə təslim olub. O, həbs olunub. Ona qarşı cinayət işi açılıb. (azvision)