Sumqayıtda avtomobillərə qənim kəsilən şəxs saxlanılıb.
Xeberle.com Daxili İşlər Nazirliyinin saytına istinadən xəbər verir ki, Sumqayıt şəhər Polis İdarəsinin 1-ci Polis Bölməsinə müraciət edən şəhər sakini A.Muxtarov aprelin 25-nə keçən gecə 21-ci mikrorayon ərazisində "KİA” markalı avtomobilindən şüşəsi sındırılmaqla sənədlərinin oğurlandığını bildirib.
Kriminalistik Tədqiqatlar İdarəsi və 1-ci Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Sumqayıt sakini, əvvəllər də oğurluğa görə məhkum olunmuş E.Nəsrullayev saxlanılıb.
Ətrafında aparılmış əməliyyat tədbirləri ilə onun aprelin 26-na keçən gecə Yaşıldərə bağlar sahəsində "Nissan”, "Mercedes” və "Hyundai” markalı 3 avtomobilin yan şüşələrinin sındırması da müəyyən edilib.
Araşdırma aparılır.
Xəbərdən istifadə edərkən istinad etmək vacibdir.
