Sumqayıtda daha bir marketdən oğurluq olub.
Xeberle.com-un məlumatına görə, hadisə şəhərin Corat qəsəbəsində, Mehdi Hüseynzadə küçəsində yerləşən mini marketdə qeydə alınıb. Naməlum şəxs və ya şəxslər gecə saatlarında marketin qapısını dəmir linglə açaraq içəri daxil olublar. Oğrular obyektdən siqaret, spirtli və şirin içkilər, eləcə də ərzaq məhsullarını aparıblar. İcarədar Elnur Babayevə ümumilikdə 516 manat ziyan dəyib. Hadisə ilə bağlı polisə məlumat verilib.
Faktla bağlı araşdırma aparılır.
Qeyd edək ki, bu son on gündə Corat qəsəbəsində oğurluq hadisəsinin baş verdiyi 3-cü marketdir.
Xəbərdən istifadə edərkən istinad etmək vacibdir.
