Sumqayıt Şəhər Polis İdarəsinin 2-ci polis bölməsinə yanvarın 13-də H.Z.Tağıyev qəsəbəsi ərazisindən qəsəbə sakini K.Malıyevə məxsus "Toyota” markalı avtomobilin qaçırılması barədə məlumat daxil olub.
Daxili İşlər Nazirliyinin mətbuat xidmətindən Xeberle.com-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini, əvvəllər məhkum olunmuş M.İsgəndərov müəyyənləşdirilərək avtomobillə birgə saxlanılıb.
Faktla bağlı Sumqayıt Şəhər Polis İdarəsində araşdırma aparılır.
Xəbərdən istifadə edərkən istinad etmək vacibdir.
