Fotoşəkillərin insanlara təsiri ilə bağlı indiyədək bir çox araşdırma aparılıb. Lakin şəkili çəkilən adamın fotokameradan uzaqlığı məsələsinin ona təsiri ilə bağlı tədqiqat olmamışdı.

Milli.Az Scientist-ə istinadən bildirir ki, Kaliforniya Texnoloji İnstitutun elektrik mühəndisliyi kafedrasının professoru Pyetro Perona fotokameranın obyektivinin şəkli çəkilən adamdan uzaqlığının təsiri ilə bağlı ilk araşdırma aparıb.
Araşdırmada psixologiya professoru Ralf Adolfs da iştirak edib.
Perona fotoportretlərdəki uzaqlıq və yaxınlıqdan yaranan dəyişikliklərin, həmin şəkillərdəki insanların təsvirlərinə necə təsir etdiyini öyrənib.

"Çox yaxından çəkilən fotolardakı üzlərdə uzaqdan çəkilən fotoşəkillərlə müqayisədə həndəsi pozuntular müşahidə ollunur. Doğrudur, yaxından çəkilən fotolar daha böyük, daha aydın və dəqiq olur. Lakin bu fotoların hamısında həndəsi pozuntular müahidə edilir", - Perona deyib.

Onun sözlərinə görə, yaxından çəkilmiş fotolardakı insanlar daha az inanılası adam təsiri yaradırlar. Eyni zamanda, yaxından çəkilən fotolardakı şəxslər daha az cazibədar təsir bağışlayırlar.

Adolfs isə bəyan edib ki, eksperimentlərdə bir çox metodlardan istifadə ediblər: "Lakin metodlardan asılı olmayaraq, nəticə dəyişməyib".