Aviaşirkətlərin xidmətlərindən yararlananlar təyyarədə olanda bəzən internetdən də istifadə etmək istəyirlər. Smartfonlar, planşet kompüterləri, pleyerlər dövründə internet həyatın az qala ayrılmaz tərkib hissəsinə çevrilib.
Bu səbəbdən də sərnişinlər təyyarələrdəki rahatlıq, servis səviyyəsini artıq Wi-Fi-ın olub-olmaması ilə də səciyyələndirməyə başlayıblar. "Routehappy" konsaltinq servisi dünya ölkələrinin aviaşirkətlərinin Wi-Fi servisləri baxımından reytinqini hazırlayıb.
Reytinqin lideri İslandiyanın "İcelandAir" aviaşirkətidir. Bu aviaşirkətin sərnişin təyyarələrinin 84 faizində Wi-Fi var.
İlk 12-likdə sonrakı yerləri "Norwegian Air", "Etihad Air", "Singapore Airlines", "Lufthansa", "İberia", "Aeroflot", "Emirates", "Japan", "Qatar Air", "Thai Air" və "Turkish Airlines" var.
"Turkish Airlines" aviaşirkətinin təyyarələrinin 16 faizi Wi-Fi-la təchiz olunub.
ABŞ aviaşirkətləri arasında isə lider "Virgins Airlines"dır.
Sonrakı yerləri "Alaska", "JetBlue", "United", "Southwest", "American" və "Delta" tuturlar.
(milli.az)
Xəbərdən istifadə edərkən istinad etmək vacibdir.
