İngiltərə kraliçası Viktoriyanın Cənubi Afrika müharibəsi zamanı əsgərlərə göndərdiyi bir qutu şokolad 118 il sonra ortaya çıxıb.
Xeberle.com xarici mediaya istinadən xəbər verir ki, 1899-cı ildə döyüşən əsgərlərə ruh vermək üçün hər birinə bir qutu şokolad göndərmək istəyib. Krallıq rəsmiləri şokolad istehsalçısı "Cadbury”, "Fry” və "Rowntree” firmaları ilə əlaqə saxlayıblar. Lakin hər üç şokolad şirkəti müharibə əleyhdarı idi. Nə müharibədən qazanc əldə etmək kimi imicə sahib olmaq istəyirdilər, nə də kraliçaya boyun əyməyi rədd edib onun etibarını zədələmək.
Vəziyyət belə olduqda metal qutulara öz marakalarını qoymadan və bir qəpik pul almadan şokoladları hazırladılar və əsgərlərə göndərdilər. Şirkətlər geri addım atıb bəzi şokolad qəliblərinə öz markalarını vurdular, lakin metal qutular anonim qaldı.
Keçən ay Birinci Dünya müharibəsi ərəfəsində hədiyyə edilən antik şokolad qutusu auksionda satılmışdı. Londonda yaşayan kolleksiya həvəskarı bir qadın hərrac nümayəndəsi Paul Kuperlə əlaqə saxlayaraq əlində çox qədim şokolad qutusunun olduğunu deyib.
Qadının əntiq əşya dükanı 25 il əvvəl bağlanmış, satılmayan əşyalar əlində qalmışdı. Karlisle şəhərində çəkməcələri axtararkən Cənubi Afrika müharibəsi dövrünə məxsus metal şokolad qutusu tapıb. Şokoladlar hələ də qutunun içində idi.
Şokolad qutusu sabah auksiona çıxarılacaq.
Xəbərdən istifadə edərkən istinad etmək vacibdir.
