Xidmət Sahələri üzrə Sumqayıt Dövlət Peşə Təhsil Mərkəzində 2 Fevral - Azərbaycan Gəncləri Günü münasibətilə bir qrup tələbənin valideyinləri ilə mərkəz rəhbərliyinin iştirakı ilə dəyirmi masa keçirilib.
Xeberle.com xəbər verir ki, görüş zamanı mərkəzin direktoru Gülşən Ömərova təlim-tədris prosesində seçilən, tələbə nizam-intizam qaydalarına riayət edən, ictimai işlərdə fəallıq göstərən bir qrup tələbənin valideyinlərinə övladlarını gələcəyin layiqli vətəndaşları kimi böyütdükləri üçün mərkəz kollektivi adından minnətdarlığını bildirib.
Valideyinlər də öz növbələrində mərkəzin mühəndis-pedaqoji heyəti tərəfindən övladlarına göstərilən qayğıdan bəhs edib, təşəkkürlərini bildiriblər.
Mərkəz rəhbərliyi valideyinləri nümunəvi vətəndaş yetişdirdikləri üçün Təşəkkürnamə ilə təltif edib.
Sonda xatirə fotosu çəkdirilib.
Xəbərdən istifadə edərkən istinad etmək vacibdir.
