"Ali təhsil müəssisəsi Akkreditasiya Meyarlarının Tələblərinin (ATM) üçdəbiri üzrə "qismən uyğun” və ya hər hansı istiqamət üzrə "uyğun deyil” hesab edildikdə, qüvvədə olan akkreditasiya şəhadətnaməsinin müddətini növbəti 2 il üçün uzadaraq, ATM-də 1 ildən sonra təkrar akkreditasiya qiymətləndirilməsi aparılır”.
Bu barədə Təhsildə Keyfiyyət Təminatı Agentliyindən bildirilib.
Təhsil müəssisələrində akkreditasiya prosesi Azərbaycan Respublikası Nazirlər Kabinetinin 2010-cu il 28 sentyabr tarixli, 167 nömrəli Qərarı ilə təsdiq edilmiş "Təhsil müəssisələrinin akkreditasiya qaydaları”na uyğun olaraq tənzimlənir.
Xatırladaq ki, Sumqayıt Dövlət Universitetinin institusional akkreditasiya nəticəsinin "qismən uyğundur” hesab edilərək qüvvədə olan akkreditasiya şəhadətnaməsinin müddətinin növbəti 2 il uzadılması və təhsil müəssisəsinin 1 ildən sonra təkrar akkreditasiya edilməsi qərarı alınıb.
Digərləri isə Azərbaycan Texniki Universiteti, Bakı Dövlət Universiteti, Azərbaycan Dövlət İqtisad Universiteti və Azərbaycan Dövlət Pedaqoji Universitetinin institusional akkreditasiya nəticələri "əsasən uyğundur” hesab edilərək növbəti 5 il müddətinə akkreditasiya edilməsi qərarı alınıb.
Xəbərdən istifadə edərkən istinad etmək vacibdir.
