İqtisadi Zonaların İnkişafı Agentliyinin nəzdində Peşə Təhsil Mərkəzində "Narkomaniyaya və zərərli vərdişlərə yox deyək” adlı seminar keçirilib.
İqtisadi Zonaların İnkişafı Agentliyinin nəzdində Peşə Təhsil Mərkəzində Dekabrin 29-da keçirilən seminarda Sumqayıt şəhər Narkoloji dispanserin həkimi Vüsal Cabbarov, Sumqayıt Şəhər Polis İdarəsinin yetkinlik yaşına çatmayanlarla profilaktik işin təşkili bölməsinin əməkdaşı, polis mayoru Azər Bağırov və Dini qurumlarda iş üzrə mütəxəssis Xalid Paşayev mərkəzin müəllim və tələbə kollektivi iştirak etmişlər. Seminarın keçirilməsində məqsəd tələbələri narkomaniya və psixotrop maddələrin yaratdığı problem və fəsadlar mövzusunda maarifləndirmək və onlar arasında sağlam həyat tərzini təbliğ etmək olub. Qonaqlar dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizədən danışıb, iştirakçıları maraqlandıran suallar qonağlar tərəfindən cavablandırılıb.
Xəbərdən istifadə edərkən istinad etmək vacibdir.
