Sumqayıt şəhəri, Həzi Aslanov adına 22 nömrəli məktəbdə şagirdlərə havaların soyuq olması səbəbi ilə dərslərin olmadığı deyilərək evə göndərilib.
Valideynlərin Xeberle.com-a bildirdiyinə görə, təhsil müəssisəsində kombi sistemi bilərəkdən söndürülüb. Səbəb isə şagirdləri məktəbdən uzaqlaşdırmaq olub.
Qeyd: Videonu göndərən şəxs hazırda 11 saylı məktəbin yanında olduğunu və yolların buz bağlamasına rəğmən dərsə gəldiklərini bildirir. Yəni görüntü 11 saylı məktəbdən olsa belə iddia 22 nömrəli məktəb barəsindədir.
Məktəbin sosial şəbəkə hesabında iddialarla bağlı açıqlama verilib. Məktəbdən bildirilib ki, qeyd edilən iddialar yalnış məlumatdır: "22 nömrəli məktəb haqqında yalnış xəbərlər yayılıb. Məktəbdə dərslər öz qaydasında keçirilib. Şagirdlərin 90 faizi məktəbə gəlmişdi. Kombidə ki, hər zaman gecə-gündüz işləyir. Otaqlar və dəhlizlər istidir. Hətta dərs zamanı istidən qapı açıq qoyulur”.
Xəbərdən istifadə edərkən istinad etmək vacibdir.
