Prezidentin rəsmi saytında yerləşdirilmiş məktublarda Prezident İlham Əliyevin Sumqayıta olan diqqət və qayğısından, şəhərimizin gündən-günə gözəlləşməsindən, şəhərdə həyata keçirilən abadlıq-quruculuq işlərindən razılıq ifadə olunur.

Prezidentin rəsmi saytında yerləşdirilmiş məktublardan bir neçəsinin mətnini təqdim edirik:

Hörmətli cənab Prezident!

Son illərdə Sumqayıtda həyata keçirilən quruculuq işləri sakinlər tərəfindən çox böyük minnətdarlıq və ehtiram hissi ilə qarşılanır. Şəhərin dənizkənarı sahəsinin abadlaşdırılması, bir sıra tikinti işlərinin aparılması əhalinin rifahı naminə görülən tədbirlərin davamı və nəticəsidir. Bütün bu yeniliklər məhz Sizin şəhərimizə göstərdiyiniz diqqət və qayğı sayəsində ərsəyə gətirilir. Sizə və ailənizə cansağlığı, uzun ömür, işlərinizdə uğurlar arzu edirik.

Hörmətlə,

Mirzəyeva Rəna

26 saylı körpələr evi-uşaq bağçasının müdiri.

Azərbaycan Respublikası, Sumqayıt şəhəri

___________________________________________________________________

Çox hörmətli cənab Prezident,

Son aylarda Sumqayıt şəhərində aparılan abadlıq və quruculuq işləri şəhər sakinləri tərəfindən böyük razılıqla qarşılanır. Dənizkənarı parkın abadlaşdırılması, Heydər Əliyev Mərkəzinin, musiqi və şahmat məktəblərinin tikilməsi, binaların dam örtüklərinin yenilənməsi, lift və istilik sistemlərinin qurulması Sumqayıtın inkişafı, sakinlərin rifahı və həyat şəraitinin yaxşılaşması naminə görülən işlərin davamıdır.

Cənab Prezident, biz sumqayıtlılar Sizin daxili və xarici siyasətinizi bəyənir və dəstəkləyirik. Sizə və ailə üzvlərinizə cansağlığı, uzun ömür, işlərinizdə uğurlar arzu edirik.

Hörmətlə,

Musayeva Esmira Hümbət qızı

Azərbaycan Respublikası, Sumqayıt şəhəri

___________________________________________________________________

Hörmətli cənab Prezident.

Gündən-günə inkişaf edən və gözəlləşən, sənaye və gənclər şəhəri kimi tanınan Sumqayıtda əsaslı abadlıq-quruculuq işləri aparılır. Sumqayıt sakinlərinin həyat şəraitinin və rifahının yaxşılaşdırılması məqsədilə şəhərimizdə böyük işlər görülür. Nəsimi adına parkın sahilyanı hissəsində yeni bulvar salınır. Ulu Öndərimizin həyat və yaradıcılığını əks etdirən və zəngin irsinin qorunduğu möhtəşəm Heydər Əliyev Mərkəzində, şahmat və musiqi məktəblərində son tamamlama işləri aparılır. Bütün bunlarla yanaşı, binaların dam örtükləri, fasadları yenilənir, istismar müddəti bitmiş liftlər dəyişdirilir, məhəllədaxili yollar asfaltlanır, bağça və məktəblər, poliklinika və xəstəxanalar təmir olunur. Bütün bu işlər Sizin şəhərimizə və onun əhalisinə göstərdiyiniz diqqət və qayğınızın nəticəsidir.

Möhtərəm Prezident, şəhərimizə, sumqayıtlılara göstərdiyiniz diqqət və qayğıya görə Sizə dərin minnətdarlığımızı bildiririk.

Hörmətlə,

Hacıyev Səlim Zakir oğlu.

Azərbaycan Respublikası, Sumqayıt şəhəri.