Layihə çərçivəsində həyata keçirilən silsilə tədbirlərdən biri olan seminarda 30 nəfər məktəb psixoloqu iştrak edib.

Tədbirə ekspert kimi "Qadın Təşəbbüsü və Sosial Problemlərin Həllinə Yardım” İctimai Birliyinin rəhbəri Zenfira Mustafayeva və Sumqayıt şəhər Təhsil şöbəsinin əməkdaşı, praktik psixoloqlar üzrə Təhsil Şöbəsinin metodisti Səxavət Qəmbərov dəvət edilib.

Seminar məktəb psixoloqlarının fəaliyyəti, qarşıya çıxan çətinliklər və bu çətinliklərin aradan qaldırılması istiqamətində görülməli olan işlər mövzusuna həsr edilib.

Tədbirdə çıxış edən ekspert Z.Mustafayeva məktəb psixoloqlarının fəaliyyətinin vacibliyi, əməkdaşlığın qurulması barədə geniş çıxış edib. Z.Mustafayeva Azərbaycanda ilk dəfə olaraq 2005-ci ildə Sumqayıt şəhərində Məktəb Psixoloqlarının Resurs Mərkəzinin yaradıldığını qeyd edib.

Resurs Mərkəzinin indiki fəaliyyəti və gələcək planlar haqqında da müzakirələr aparılıb.

Ekspert kimi dəvət edilmiş Səxavət Qəmbərov təhsil sahəsində psixoloqlarının işinin vacibnliyini qeyd edərək psixoloqların bilik və bacarıqlarının inkişaf etdirilməsi barədə müzakirələr aparıb. Təhsil sahəsində tətbiq edilən yeniliklərin psixoloqların işinə təsiri, bu yeniliklərin psixoloqların fəaliyyətində tətbiq edilməsinin vacibliyi barədə də müzakirələr aparılıb.

Qeyd edək ki, layihə çərçivəsində növbəti tədbir 14.12.2017-ci il tarixində təşkil ediləcəkdir. Dəyirmi masada Sumqayıt şəhərində təhsil sahəsində çalışan psixoloqların, məktəb direktorlarının, təhsil şöbəsinin nümayəndələrinin iştrakı nəzərdə tutulub.

Tədbir Sumqayıt şəhəri, 1-ci mikr, bina 45B ünvanında yerləşən "Qadın Təşəbbüdsü və Sosial Problemlərin Həllinə Yardım” İctimai Birliyinin ofisində təşkil ediləcəkdir.