"Təhsil haqqında” Azərbaycan Respublikası Qanununun 26.5-ci maddəsinə əsasən, dünya fənn olimpiadalarının, yüksək səviyyəli beynəlxalq müsabiqələrin və yarışların qalibləri müvafiq ixtisaslar üzrə ali təhsil müəssisələrinə müsabiqədənkənar qəbul olunurlar.
Dövlət İmtahan Mərkəzindən Xeberle.com-a bildirilib ki, sözügedən məsələ ilə əlaqədar olaraq, bu kateqoriyadan olan abituriyentlər ümumi qaydada təsdiq olunmuş "Abituriyent elektron ərizəsi” formasının və müvafiq nailiyyətləri təsdiq edən sənədlərin surətini (diplom, yarışın protokolu) DİM-ə və ya Mərkəzin regional bölmələrinə təqdim etməlidirlər.
Sənədlər 2018-ci il 31 may tarixinədək təqdim olunmalıdır. Linkə daxil olaraq tam siyahı ilə tanış ola bilərsiniz.

Xəbərdən istifadə edərkən istinad etmək vacibdir.