Ali məktəblərin nüfuzlu ixtisaslarının sayı açıqlanıb. ANS PRESS-in məlumatına görə bunu TQDK sədri Məleykə Abbaszadə“Abituriyent” jurnalının 12-ci sayının təqdimatı zamanı, I qrupda abituriyentlərin ən çox Bakı Ali Neft Məktəbinin "Neft-qaz mühəndisliyi" ixtisasına üstünlük verdiklərini söyləyib. 

Məleykə Abbaszadə qeyd edib ki, bu il Azərbaycan bölməsində, II qrupda Azərbaycan Dövlət İqtisad Universitetinin "Maliyyə", III qrupda Azərbaycan Dillər Universitetinin "Xarici dil müəllimliyi (ingilis dili üzrə)", IV qrupda Azərbaycan Tibb Universitetinin "Müalicə işi" ixtisaslarına üstünlük veriblər: “Bütün ixtisas qruplarında rus bölməsi abituriyentlərinin seçimi Azərbaycan bölməsi ilə eyni olub”. 

O, qeyd edib ki, qəbulda toplanılması mümkün olan maksimal bal 700 olub: 
“0-700 bal diapazonunu şərti olaraq (0-200), (200-300), (300-500), (500-700) intervallarına bölərək, ənənəvi "2", "3", "4", "5" qiymətləri ilə analogiyasını yaratsaq, görərik ki, bu il abituriyentlərin 65.0 faizi imtahandan "2", 13.8%-i "3", 15.7%-i "4", 5.6%-i isə "5" qiymət alıb".