Dünən ümumi orta təhsil bazasından(9 illik) orta ixtisas təhsili müəssisələrinə ixtisas seçimi başa çatıb. İxtisas seçimində 17 632 gənc iştirak edib. Bunun əsasında ilkin yerləşdirmə aparılıb və ilkin statistika açıqlanır”. 

Lent.az-ın məlumatına görə, bunu TQDK sədri Məleykə Abbaszadə bildirib. O qeyd edib ki, yaxın saatlarda ixtisas seçiminin nəticələri açıqlanacaq və internetdə yerləşdiriləcək. “İlkin statistik məlumatlara əsasən, ixtisas seçimində iştirak edənlərin 8795-i orta ixtisas təhsili müəssisələrinə qəbul olub. Xüsusi qabiliyyət tələb etməyən ixtisaslar üzrə qəbul planı 99,94% dolub və cəmi 4 plan yeri boş qalıb”.

TQDK sədri qeyd edib ki, qalan boş yerlər isə xüsusi qabiliyyət tələb edən ixtisaslar üzrədir: “Bunların arasında elə ixtisaslar var ki, biz onların əvvəlcədən dola bilməyəcəyini görürdük. Xüsusi qabiliyyət tələb edən ixtisaslar üzrə qəbul planının dolma faizi 66,29 %-dir”.

Komissiya sədri abituriyentlərə müraciət edərək bildirib ki, gələn həftənin bazar ertəsi günündən qəbul olanların qeydiyyatı aparılacaq. “Qeydiyyat başa çatandan sonra boş qalan yerlər elan olunacaq. Bazar ertəsi qəbul olanların siyahısı jurnalda çıxacaq. Orada keçid balları elan olunacaq”.

M. Abbaszadənin sözlərinə görə. elə təhsil müəssisələri var ki orada qəbul planı 100 faiz dolub. Bakıda olan kolleclərin əksəriyyəti - Azərbaycan Maliyyə-İqtisad kolleci, Bakı Dövlət iqtisadiyyat və Hümanitar Kolleci , Bakı Qida Sənayesi Kolleci, Bakı Dövlət Sosial-İqtisadiyyat Kolleci, Azərbaycan Dəniz Balıq Sənayesi Kolleci, Bakı Dövlət Rabitə-Nəqliyyat Kollecinə plan yerləri tam dolub.

“Şəki Pedaqoji Kollecində 55,55%, Şamaxı Humanitar kollecində 79%, Lənkəran Dövlət Humanitar Kollecində plan yerləri 68 faiz dolub”.