Sumqayit şəhər 2 nömrəli Uşaq –Gənclər İnkişaf Mərkəzində Ulu öndər Heydər Əliyevin anadan olmasının 96-cı ildönümü ilə əlaqədar şəhər məktəblərinin IX-XI sinif şagirdləri arasında "Heydər Əliyev və milli-mənəvi dəyərlərimiz”, ”Azərbaycan turizm diyarıdır” mövzuları üzrə Diyarşünaslıq Olimpiadası keçirilmişdir.
Olimpiadanın keçirilməsində məqsəd şagirdlərin Heydər Əliyev ruhunda böyüməsi, ölkəmizin milli-mənəvi dəyərlərini, turizm ehtiyatlarını öyrənmək , vətənə, xalqa məhəbbətini inkişaf etdirməkdir.
Tədbirdən qabaq mərkəzin kollektivi , qonaqlar və limpiada iştirak çıları Ulu öndər Heydər Əliyevin abidəsi önünə tər gül dəstələri qoyaraq onun əziz xatirəsini hörmətlə yad etdilər. Sonra mərkəzdə Olimpiadaya start verildi. İştirakçılar 90 dəqiqə ərzində öz bilik və bacarıqlarını nümayiş etydirdilər.
Yekun mərhələ münsiflər heyətinin qərarından sonra açıqlandı. Bilik yarışmasının nəticələrinə görə TET gimnaziyanın şagirdi Mustafazadə Murad Nadir oğlu birinci, 41 nömrəli tam orta məktəbin şagirdi Musazadə Kənan Nail oğlu ikinci, 21 nömrəli tam orta məktəbin şagirdi Osmanova Nübar İlqar qızl və "Təfəkkür” liseyinin şagirdi Novruzov Neman İlqar oğlu mükafata layiq üçüncü yerlərə layiq görüldülər.
Bu gün Sumqayıt Şəhər Təhsil Şöbəsinin müdiri Arzu xanım Alızadə Təhsil Şöbəsində qalibləri qəbul edərək onları qazandıqları uğura görə Təhsil Şöbəsinin Fəxri Fərman ı və qiymətli hədiyyələr ilə mükafatlandırdı.
Qeyd edək ki, bundan başqa TTEL, 17, 35, 36, 39, və 42 nömrəli tam orta məktəblərin şagirdləri də yarışda fərqləndiklərinə görə şöbənin Fəxri Fərmanı ilə təltif olundular.
Kəmayıl NAMAZOV
Xəbərdən istifadə edərkən istinad etmək vacibdir.
