Təhsil Nazirliyi tərəfindən elan olunan təhsildə inkişaf və innovasiyalar üzrə III qrant müsabiqəsinin yekunlarına əsasən, ümumtəhsil məktəbləri üzrə layihələrindən biri, Sumqayıt şəhər Təffəkkür liseyinin qalib olduğu " Dinlə - düşün - tətbiq et!” layihəsidir.

Təfəkkür liseyinin direktoru, layihənin rəhbəri olan Qönçə Səftərova dairəvi masa zamanı layihənin məqsədi və vəzifələri barədə geniş məlumat verdi. O, xüsusilə bildirdi ki, elm və texnikanın inkişaf etdiyi  audio və e-dərsliklərin geniş yayıldlğı bir dövrdə  biz çox vaxt məlumatları səsli informasiya şəkilində qəbul etməli oluruq. Şagirdlər dərs prosesində müəllim şərhini dinləyir, diskussiya və debatlarada əks tərəfin fikirlərini dinləyərək ona anladığı tərzdə münasibət bildirməli olur. Odur ki, xüsusilə  də xarici dillər istiqamətində "dinləyib-anlama” bacarıqlarının şagirdlərin gələcək həyatında rolu getdikcə artır. Dinləmənin məqsədi informasiyanı qəbul edərək anlamaqdır və dinləmə prosesi yüksək səviyyədə sürətli diqqəti tələb edir. Belə ki, dinləmə materialının anlaşılmayan hissələrini dəfələrlə eşitmək imkanı verilmir. Bu faktlar göstərir ki, məktəblərin xarici dil müəllimləri "dinləyib-anlama " məzmun xətti üzrə bacarıqları formalaşdırmaq, şagirdlərin bacarıqlarını effektli vərdişə çevirmək üçün mütəmadi olaraq  xüsusi təlmlərdən keçməli, peşəkarlıq istiqamətlərini artımalıdırlar. Qeyd edək ki, layihə Sumqayıt şəhərinin ümumtəhsil məktəblərinin 20 nəfər xarici dil müəllimi üçün nəzərdə tutulub, əsas məqsəd xarici dil fənindən  "dinləyib – anlama”  bacarıqlarının artırılması istiqamətində fənn müəllimlərinə  mentor dəstəyinin göstərilməsidir. Layihədə iştirak etmək istəyən xarici dil müəllimləri  Təfəkkür liseyinə 30avqust tarixinədək müraciət etməlidir.