2019-2020-ci tədris ilinin əvvəlinə olan proqnoz göstəricilərinə
əsasən, yeni tədris ilində Sumqayıt şəhərinin ümumi təhsil müəssisələrində ümumilikdə, 55290 şagird təhsil alacaq.
Sumqayıt şəhər Təhsil Şöbəsindən Xeberle.com-a verilən məlumata
görə, şagirdlərdən 25 541-i qız, 29
749-u isə oğlandır.
Ümumtəhsil məktəblərinin I sinfində 6 000, IX sinfində 4 336,
X sinfində 2 700, XI sinfində isə 2 800 şagirdin təhsil alacağı proqnozlaşdırılır.
Yeni tədris ilinin əvvəlində Təhsil Şöbəsi tərəfindən təmir-tikinti
işləri yekunlaşdırılmış 50 məktəb
binası şagirdlərin istifadəsinə veriləcək.
Onlardan 20-si əsaslı təmir olunan, qalanları isə cari təmir olunmuş məktəbdir.
2019-2020-ci tədris ilində 3141 uşağın ümumtəhsil müəssisələrinin
məktəbəhazırlıq qruplarında təhsil alacağı gözlənilir.
Hazırda Sumqayıtda 43 tam orta məktəb, 3 lisey, 3 internat tipli məktəb və 1 gimnaziya fəaliyyət göstərir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
