Sumqayıt şəhər ümumtəhsil müəssisələrində "Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı"na uyğun olaraq "İnsan alverinin qarşısının alınması” mövzusunda dəyirmi masa təşkil olunub.
Xeberle.com xəbər verir ki, tədbirdə məktəbin rəhbərliyi, təlim-tərbiyə işləri üzrə direktor müavinləri, eləcə də psixoloqlar iştirak edib.
Yuxarı sinif şagirdləri arasında təşkil olunan tədbirdə erkən nikah və onun fəsadları haqda geniş məlumat verilib. Direktor müavini öz çıxışında bu sahədə cəmiyyətimizdə müvafiq tədbirlərin görlüməsinin zəruriliyini qeyd edib. Həmçinin insan alverinə daha çox yeniyetmələr, uşaqlar və qadınların məruz qaldığı bildirilib.
Son zamanlar sosial mediada baş verən zorakılıqlar və onun qarşısının alınması məsələlərinə də toxunulub.
Məktəbin psixoloqları Xəyalə və Gülcahan xanım xüsusilə məktəblər arasında psixoloji, fiziki şiddət halları və onun qarşısı alınması yolları haqqında maarifləndirici fikirlər söyləyib.
Sonda məktəbliləri maraqlandıran suallar cavablandırılıb.
Xəbərdən istifadə edərkən istinad etmək vacibdir.
