Avropa Şurası Parlament Assambleyasının (AŞPA) aprelin 20-dən 24-dək Strasburqda yaz sessiyası keçiriləcək. 
Sessiyaya Azərbaycanın AŞPA-dakı daimi nümayəndə heyəti də qatılacaq. Nümayəndə heyətinə Səməd Seyidovun başçılıq edir. Heyətə deputatlardan Sevinc Fətəliyeva, Rövşən Rzayev, Elxan Süleymanov, Rafael Hüseynov, Qənirə Paşayeva, Aydın Abbasov, Sabir Hacıyev, Sahibə Qafarova və Fazil Mustafa daxildirlər. Sessiya zamanı Ukraynada vəziyyət, İŞİD terrorçu qrupun fəaliyyətinin nəticələri, AŞPA-dakı Rusiya nümayəndə heyətinin dondurulmuş mandatına yenidən baxılması, Monako ilə monitorinq sonrası dialoq, Avropa İnsan Hüquqları Konvensiyasının səmərəliliyi və s. mövzularda qızğın müzakirələr aparılacaq. 
Tədbirdə müvafiq məsələlər üzrə Azərbaycan nümayəndə heyətinin rəhbəri Səməd Seyidov və deputatların çıxışları nəzərdə tutulub.
Qeyd edək ki, AŞPA-nın sesiyasında "Sumqayıt Gənclərinin Hüquqi Maarifləndirilməsi” İctimai Birliyinin prezidenti, "Yüksəliş naminə” qəzetinin baş redaktoru Elçin Məmməd və baş redaktor müavini Elçin Həsənov da iştirak edəcək.
Xeberle.com