Oktyabrın
26-da Sumqayıt Dövlət Universitetində 8 Noyabr – Zəfər Gününə həsr olunmuş fotosərgi
təşkil edildi.
Xeberle.com xəbər verir ki, sərgidə Ermənistanın
30 ilə yaxın müddət ərzində işğal altında saxladığı əzəli Azərbaycan
torpaqlarında törətdiyi vandalizm aktlarını ifşa edən fotomateriallarnümayiş
olunurdu.
Əvvəlcə, Vətən
uğrunda canını fəda edən şəhidlərimizin əziz xatirəsi bir dəqiqəlik sükutla yad
edildi.Sonra sərgiyə baxış keçirildi.
Nümayiş
olunan sərgidə işğalçı Ermənistanın 30
il ərzində Qarabağda mədəni irsimizin qəsdən məhv edilməsi, mənimsənilməsi, dəyişdirilməsi
və oğurlanması kimi dəhşətli cinayət əməlləri, maddi-mədəni və dini abidələrimizin
vəhşicəsinə dağıdılması faktları öz əksini
tapmışdı.
Sərgidə çıxış
edən SDU-nun Tədrisin təşkili və təlim texnologiyaları üzrə prorektoru dosent Natiq
Talıbov 44 günlük müharibənin tarixi əhəmiyyətindən danışdı və Böyük Qələbə
münasibətilə Azərbaycan xalqını təbrik
etdi.Xalqımızın tarixi Zəfərin ildönümünü böyük qürurla, təntənə ilə qeyd
etdiyini bildirən prorektor qələbədən dərhal
sonra işğaldan azad edilmiş ərazilərdə həyata keçirilən sürətli quruculuq və bərpa
işlərindən, həmçinin gənc nəslin üzərinə düşən vəzifələrdən danışdı.
Porektor onu
da diqqətə çatdırdı ki, Zəfər Günü ilə əlaqədar Sumqayıt Dövlət Universitetinin
şəhidlik zirvəsinə ucalan tələbə-məzunlarının xatirələrini əbədiləşdirmək üçün universitetin
həyətində yaradılan abidə kompleksi və fakültələrintəşkilatçılığı ilə Böyük Qələbə və
Tarixi Zəfərə gedən yolu özündə əks etdirən stendləryaradılmışdır ki, bu da tələbələrin
vətənpərvər ruhda maariflənməsinə böyük stimuldur.
Zəfər Gününə
həsr olunmuş fotosərgiiştirakçıların geniş marağına səbəb oldu.
Xəbərdən istifadə edərkən istinad etmək vacibdir.
