Sumqayıt şəhər Gənclər və İdman Baş İdarəsinin təşkilatçılığı ilə şəhərdə fəaliyyət göstərən peşə təhsili müəssisələrinin tələbələrindən ibarət komandalar arasında "Nə? Harada? Nə zaman?” formatında bilik yarışı keçirilmişdir.
Xidmət sahələri, Sənaye və Yüksək Texnologiyalar üzrə Sumqayıt Dövlət Peşə Təhsil və İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzlərini əhatə edən bilik yarışının məqsədi tələbələrin könüllülük fəaliyyətinə həvəsləndirilməsi, intellektual və yaradıcılıq potensiallarının üzə çıxarılması və onlar arasında sağlam elmi rəqabət mühitinin yaradılmasıdır.
Yarışın yekun nəticəsinə əsasən I yerə İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzinin "Tesla”, II yerə Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin "Gənclər” , III yerə isə İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzinin "Winners” komandaları layiq görülmüşlər.
Qalib komandalar Baş İdarənin fəxri fərman, kubok, medal və xatirə hədiyyələri ilə təltif edilmişdir.
Xəbərdən istifadə edərkən istinad etmək vacibdir.
