Xəbər verdiyimiz kimi 20-24 iyun tarixlərində ölkəmizdə sertifikatlaşdırma imtahanları keçirilib.
Xeberle.com xəbər verir ki, bölgələrdə təşkil edilən sertifikatlaşdırma imtahanlarının gedişatı ilə tanış olmaq məqsədilə, deputat Müşfiq Məmmədli, Elm və Təhsil nazirinin müavini Firudin Qurbanov və yerli təhsili idarəetmə qurumlarının rəhbərləri Sumqayıt şəhərində təşkil edilmiş 1 mərkəzdə keçirilən test imtahanlarını izləyib.
Qeyd efək ki, sertifikatlaşdırma imtahanları Abşeron-Xızı Regional Təhsil İdarəsi üzrə 1 mərkəzdə təşkil olunub. Sumqayıt şəhərində keçirilən imtahanlara Sumqayıt, Abşeron, Xızı rayonlarında ümumtəhsil müəssisələrində çalışan ibtidai sinif müəllimləri cəlb olunublar.
İmtahanlar ölkənin 13 müxtəlif şəhəri üzrə 23 mərkəzdə təşkil olunub. 20 000-ə yaxın müəllim ibtidai sinif, 8 500-dən çox müəllim Azərbaycan dili və ədəbiyyat üzrə test imtahanı mərhələsinə cəlb olunub.
Xəbərdən istifadə edərkən istinad etmək vacibdir.
