İZİA nəzdində Peşə Təhsili Mərkəzində "Ətraf mühit gənclərin gözü ilə” mövzusunda təlim keçirilib.
Xeberle.com məlumat verir ki, İqtisadi Zonaların İnkişafı Agentliyinin Peşə Təhsili Mərkəzində 5 noyabr 2024-cü il tarixində Azərbaycan Respublikasının Gənclər Fondunun maliyyə dəstəyi, "Gələcək və İnkişaf” Gənclərin İctimai Birliyinin təşkilatçılığı ilə "Yaşıl dünya naminə həmrəylik ili” çərçivəsində "Ətraf mühit gənclərin gözü ilə” mövzusunda təlim keçirilib. Tədbirdə Mərkəzin əməkdaşları ilə yanaşı Layihə və Qida Təhlükəsizliyi Hərəkatının rəhbəri Məhsəti Hüseynova və "Gənclərin Töhfəsi” İctimai Birliyinin sədri Asim Vəliyev iştirak edib.
Təlimin əsas məqsədi yeniyetmə və gənclər arasında ekoloji şüuru formalaşdırmaq, ekoloji məsuliyyət hissini artırmaq və ətraf mühitin qorunmasında daha fəal iştirakı təmin etməkdən ibarət olub. Təlimin sonunda iştirakçılara sertifikatlar təqdim olunub.
Xəbərdən istifadə edərkən istinad etmək vacibdir.
