![Peşə Təhsil Mərkəzi ilə “Alarna Konsaltinq” şirkəti arasında Anlaşma Memorandumu imzalandı - FOTO Peşə Təhsil Mərkəzi ilə “Alarna Konsaltinq” şirkəti arasında Anlaşma Memorandumu imzalandı - FOTO](/uploads/posts/2024-12/medium/1734450365_whatsapp-mage-2024-12-17-at-14.49.27.jpeg)
İqtisadi Zonaların İnkişafı Agentliyinin nəzdində Peşə Təhsil Mərkəzi ilə "Alarna Konsaltinq” şirkəti arasında əməkdaşlığa dair Anlaşma Memorandumu imzalanıb. Sənədi Peşə Təhsil Mərkəzinin direktoru Kənan Bağırov və "Alarna Konsaltinq” şirkətinin icraçı direktoru Nigar Rəsulzadə imzalayıblar.
Memoranduma əsasən, Peşə Təhsil Mərkəzində təhsil alan tələbələr İKT istiqamətində həyata keçirilən müxtəlif proqramlardan yararlana biləcəklər.
İmzalanan memorandumun məqsədi qarşılıqlı anlaşma əsasında tələbələrin İKT sahəsində təqaüdlü proqramlar üzrə təlimlərə cəlb edilməsi, onların işlə təmin olunmasına köməklik göstərilməsi, birgə maarifləndirmə tədbirlərinin keçirilməsi, Dual proqram üzrə birgə fəaliyyətin təşkil edilməsi, təhsil alanların bilik və bacarıqlarının davamlı inkişafı istiqamətində layihələrin birgə icrası sahələrində əməkdaşlıqdan ibarətdir.
Xəbərdən istifadə edərkən istinad etmək vacibdir.