İqtisadi Zonaların İnkişafı Agentliyinin Peşə Təhsil Mərkəzində "UNİPER” şirkətinin və Alman-Azərbaycan Xarici Ticarət Palatasının (AHK Azərbaycan) nümayəndələri ilə görüş keçirilib.
İqtisadi Zonaların İnkişafı Agentliyinin Peşə Təhsil Mərkəzində 20.05.2025-ci il tarixində Almaniya Federativ Respublikasının Bildungswerk şirkəti ilə əməkdaşlıqda həyata keçirilən 4D Dual TWET layihəsinin ikinci mərhələsi çərçivəsində Almaniyanın "Uniper Global Commodities SE” şirkətinin Azərbaycan nümayəndəliyinin rəhbəri Rəşad Hüseynli və Alman-Azərbaycan Xarici Ticarət Palatasının (AHK Azərbaycan) icraçı direktor müavini Aytəkin Siraczadə ilə görüş keçirilib. Görüşdə 4D Dual TWET layihəsinin əməkdaşları, qonaqlar, Mərkəzin tələbələri, valideynlər və müəllim-pedaqoji heyət iştirak edib.
Mərkəzin Direktoru Kənan Bağırov ilk olaraq qonaqları salamlayıb və Mərkəzin son illərdə həyata keçirdiyi uğurlu fəaliyyəti ilə bağlı görüş iştirakçılarına geniş məlumat verib.
Görüşdə çıxış edən Almaniya Federativ Respublikasının Bildungswerk şirkətinin "4D Dual TVET" layihəsinin meneceri Mehmet Çakar İqtisadi Zonaların İnkişafı Agentliyinin Peşə Təhsil Mərkəzində həyata keçirilən bu layihənin əhəmiyyətini və qazanılan nailiyyətlərini vurğulayıb, layihənin ikinci mərhələsi üzrə işlərin icrasına başlanılmasını və onun gələcək perspektivlərini qeyd edib.
Görüş zamanı çıxış edən Almaniyanın "Uniper Global Commodities SE” şirkətinin Azərbaycan nümayəndəliyinin rəhbəri Rəşad Hüseynli və Alman-Azərbaycan Xarici Ticarət Palatasının (AHK Azərbaycan) icraçı direktor müavini Aytəkin Siraczadə təmsil etdikləri qurumların həyata keçirdiyi fəaliyyətlər, tələbələr üçün təcrübə və iş imkanları ilə bağlı görüş iştirakçılarına məlumat verib. Görüşün sonunda tələbələrin sualları qonaqlar tərəfindən cavablandırılıb.
Xəbərdən istifadə edərkən istinad etmək vacibdir.
