Sumqayıt şəhər Gənclər və İdman Baş İdarəsi "Elite Təhsil və Karyera Mərkəzi” ilə birgə 21 iyun 2015-ci il tarixində saat Sumqayıt Gənclər Evində gənclər üçün IELTS (Beynəlxalq İngilis Dilini Yoxlama Sistemi) proqramı üzrə ödənişsiz sınaq imtahanı təşkil etmişdir.
Sınaq imtahanının müddəti 2 saat 45 dəqiqə olmaqla gənclərin ingilis dili biliyinin 4 meyarı üzrə oxuma(reading), yazma(writing), danışma (speaking) və dinləmənin (listening) yoxlanılmasından ibarət olmuşdur. İmtahanın nəticəsi olaraq IELTS sınaqında iştirakçılar 9 ballıq sistemlə qiymətləndiriləcək.
İmtahandan təxminən 10 gün sonra IELTS testinin nəticəsi e-mail poçt vasitəsi ilə iştirakçıların ünvanına göndəriləcək. Cavab kartında 4 bölmə üzrə ayrı-ayrılıqda 0-9 ballıq qiymətləndirmə və yekun bal əks olunacaq.
Qeyd edək ki, gənclər tərəfindən böyük maraqla qarşılanan sınaq imtahanlarının mütəmadi olaraq keçirilməsi nəzərdə tutulur.
Xəbərdən istifadə edərkən istinad etmək vacibdir.
