Ənənəvi olaraq hər il  Sumqayıt şəhər Təhsil şöbəsi və Azərbaycan Yazıçılar Birliyinin Sumqayıt şöbəsinin birgə təşkilatçılığı ilə keçirilən müsabiqənin yekun mərhələsində məktəb turunun qalibləri olan şəhərin müxtəlif məktəblərini təmsil edən 85 nəfər şagird iştirak edib.

Münsiflərin qərarına əsasən gərgin keçən müsabiqənin yekunlarına görə şəhərin 27 nömrəli tam orta məktəbinin 11-ci sinif şagirdi Könül Paşayeva birinci, həmin məktəbin üçüncü sinif şagirdi Roza Xəlilova, 30  nömrəli tam orta məktəbin  10- cu sinif şagirdi Aliyə Əliyeva, Təbiət Elmləri Təmayüllü Gimnaziyanın 8-ci sinif şagirdi Aytac Əlizadə, 38 nömrəli tam orta məktəbin 2-ci sinif şagirdi Sevgi  Soltanlı , 22 nömrəli  tam orta məktəbin 10-cu sinif şagirdi Mətanət Hüseynova 2-ci, 1nömrəli tam orta məktəbin 4-cü sinif şagirdi Nəzakət Rzayeva, 6 nömrəli tam orta məktəbinin 1-ci sinif şagirdi Xəyalə Abışova  3-cü və 15 nəfər iştirakçı isə həvəsləndirici yerləri tutublar. 

Qaliblər  Sumqayıt Şəhər Təhsil Şöbəsinin  Fəxri fərmanı və qiymətli hədiyyələri ilə mükafatlandırılıblar.