Sumqayıt şəhər 9 saylı tam orta məktəbin direktoru Bəhruz Ramazan oğlu Səlimxanovun işdən azad edilməsi ilə bağlı məlumat yayılıb.
Xeberle.com olaraq Sumqayıt Şəhər Təhsil Şöbəsi ilə əlaqə saxladıq. Şöbədən verilən məlumata görə, B.Səlimxanov işdən azad olunması ilə bağlı ərizə yazıb.
O da bildirilib ki, B. Səlimxanovun işdən azad edilməsi üçün Təhsil Nazirliyinin müvafiq əmri gəlmədiyindən, hələ də Sumqayıt şəhər 9 saylı tam orta məktəbdə direktor vəzifəsini icra edir.
Qeyd edək ki, o 2011-ci ildən sözügedən məktəbdə direktor işləyir.
Bəhruz Səlimxanov isə Xeberle.com-a açıqlamasında işdən azad olunmadığını və fəaliyyətini davam etdirdiyini deyib: " Mən direktor olaraq fəaliyyətimi davam etdirirəm. Hazırda iş başındayam. Rəhbərlik hansı qərar verəcəksə elə də addım atacağıq.”
Elnarə Salamova
Xeberle.com
Xəbərdən istifadə edərkən istinad etmək vacibdir.
