Bakı şəhəri və Abşeron yarımadasında martın 30-dan 31-i gündüzədək hava şəraitinin qeyri-sabit keçməsi, güclü (təhlükəli) şimal-qərb küləyinin əsməsi ilə əlaqədar Sumqayıt şəhərində fəaliyyət göstərən ümumtəhsil məktəblərinə xəbərdarlıq edilib.
Bu barədə Xeberle.com-a Sumqayıt şəhər Təhsil şöbəsindən məlumat verilib. Şöbədən ümumtəhsil məktəblərinə edilən xəbərdarlıqda bildirilib ki, valideyn və şagirdlərə  bu barədə məlumat verilsin və müvafiq təhlükəsizlik tədbirləri həyata keçirilsin.
Qeyd edək ki,  hava şəraitinin qeyri-sabit keçməsi ilə bağlı şagirdlərin dərsə davamiyyət göstəricisində heç bir dəyişiklik müşahidə olunmayıb. Bununla belə, Sumqayıtdakı ümumi təhsil müəssisələri təlim prosesini normal şəkildə davam etdirmək üçün tam hazırlıqlıdır. 
Elnarə Salamova
Xeberle.com

Xəbərdən istifadə edərkən istinad etmək vacibdir.