Əlilliyi Olan şəxslərin Sosial Müdafiəsinə və İnteqrasiyasına Dəstək İctimai Birliyi (ƏSMİD) Azərbaycan Respublikası Prezidenti Yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə 01.08.2017-ci il tarixindən Əhalinin həssas qruplarına psixoloji dəstək və əlilliyi olan şəxslər üçün ölkəmizin milli,mədəni, tarixi abidələrinə səyahət turlarının təşkili layihəsnin icrasına başlamışdır.
Layihənin məqsədi Fiziki məhdudiyyəti olan şəxslərə psixoloji dəstək olaraq,onların cəmiyyətə inteqrasiya olunmasında yardımçı olmaq və cəmiyyətin bu məsələyə diqqətini çəkmək, sosial aktiv vətəndaşları bu yöndə fəaliyyətə cəlb etməkdir. Bundan əlavə fiziki məhdudiyyəti olan şəxslərin özlərinin də ictimai fəaliyyətdə aktivlik göstərməsi, müxtəlif tədbirlər və layihələrdə iştirakı, sosial aktivliyi tədbirin məqsədləri sırasına daxildir.
O, cümlədən əlilliyi olan şəxslərə psixaloji dəstək olaraq,asudə vaxtının səmərəliliyinin artırılması üçün milli-mənəvi abidələrin ekskursiyalarını təşkil etmək, onların sosial aktiv vətəndaş kontingentinə adaptasiya olunmasına, əlillərin sosial həyata inteqrasiyası, müxtəlif ictimai-kütləvi tədbirlərə həvəsləndirilməsini təmin etməyi nəzərdə tutur.

Xəbərdən istifadə edərkən istinad etmək vacibdir.