Dərs ilinin sonunda Sumqayıt şəhər ümumtəhsil məktəblərinin IX sinfini 3729 şagird bitirib. Bu barədə Xeberle.com-a Sumqayıt şəhər Təhsil Şöbəsindən məlumat verilib. Məlumata əsasən, bu şagirdlərdən 3713 nəfəri imtahanda iştirak edib. Onların təxminən 36%-i ana dilindən, 20%-i isə riyaziyyatdan yüksək nəticə göstərərək 70-100 intervalında bal toplayıblar. Bu baxımdan ən yaxşı nəticə Təbiət Elmləri Təmayüllü Gimnaziyanın məzunlarına məxsusdur. TETG-nın IX sinif məzunlarının 99%-i ana dilindən, 97%-i isə riyaziyyatdan 70-100 intervalında bal toplayıb. Qeyd edək ki, TTEL, İstedad və Təfəkkür liseylərinin, eləcə də 1, 12, 18 nömrəli məktəbləri ən yüksək nəticə göstərən təhsil ocaqları sırasındadırlar.

Xeberle.com