Professor müsahibədə ölkəmiz haqqında fikirlərini bölüşüb. Sitat: "Bakıya gələndə isə aeroportdan şəhərin mərkəzinə qədər olan gözəl arxitektura, memarlıq üslubu məni çox təsirləndirdi. İnsanların alicənablığı, mehribanlığı və səxavətliliyi isə vurğunluğumu bir qədər də artırdı və bu hisslər məni Azərbaycanda yaşamağa və işləməyə sövq etdi”.

Jozef Daubenmire müsahibəsində Dağlıq Qarabağ münaqişəsi barədə də danışıb. Jurnalistin "Dağlıq Qarabağ münaqişəsi barəsində nə düşünürsüz? Və ümumilikdə Amerika cəmiyyəti bu münaqişə barəsində nə dərəcədə məlumatlıdır? Bizim üçün çox maraqlıdır, Amerikalılar bu məsələ barəsində nə düşünürlər?” sualını bu cür cavablandırıb: "Mən əminəm ki, Amerikalıların çoxu bu vəziyyət haqqında çox az məlumatlıdırlar. Baxmayaraq ki, bu münaqişə uzun illərdir davam edir. Bilirəm ki, çox sayda insan bu münaqişədən əziyyət çəkir, 1 milyona qədər azərbaycanlı öz dədə-baba yurdlarından didərgin düşüb. Bu, çox acınacaqlı haldır. Hesab edirəm ki, Ermənistan-Azərbaycan arasında olan Dağlıq Qarabağ münaqişəsinin həlli NATO-nun tərəfdaşlığında olan bütün dövlətlərin maraqlarına cavab verir. Və təbii ki, münaqişənin beynəlxalq hüquq normaları çərçivəsində həlli vacibdir”.