Bəs Sumqayıtda olan uşaq bağçalarının fəaliyyəti nə vaxtdan bərpa olunacaq?

Sumqayıt Şəhər İcra Hakimiyyətinin Mətbuat Xidmətindən Xeberle.com-a verilən açıqlamada bildirilib ki, şəhərdə fəaliyyət göstərən uşaq bağçalarında müvafiq hazırlıq tədbirləri görülür: "Bağçalarda təlimata uyğun olaraq dezinfeksiya işləri həyata keçirilir. Lakin Sumqayıt şəhərində olan bağçaların nə zaman fəaliyyətə başlaması ilə bağlı rəsmi qərar yoxdur. Əgər hər hansı qərar qəbul olunacaqsa, bu qərarlara, təlimat və tövsiyələrə uyğun olaraq Sumqayıt şəhərində də bağçaların fəaliyyəti bərpa olunacaq".

Şəhər İcra Hakimiyyətindən verilən açıqlamada o da vurğulanıb ki, bağçaların tərbiyəçiləri və texniki işçiləri geniş təmizlik, tibbi-profilaktik işlər görürlər: "İşçi personal hazırki şəraitdə işləmək qaydaları ilə bağlı təlimatlandırılır. Bağçaların oyun, yataq və digər otaqlarında hazırlıq işləri aparılır. Otaqların havalandırılması və təlimata uyğun dezinfeksiyası üçün tədbirlər həyata keçirilir".