Xəbər verdiyimiz kimi, prezident İlham Əliyev 2020/2021-ci tədris ilində Azərbaycan ali məktəblərinə daxil olmuş tələbələrə Prezident təqaüdünün verilməsi haqqında sərəncam imzalayıb.
Sərəncama əsasən tələbə qəbulu imtahanlarında ixtisas qrupları üzrə ən yüksək nəticələr göstərmiş tələbələrə Prezident təqaüdü verilib.
Qubadlı rayon Təhsil şöbəsindən Xeberle.com-a verilən məlunata görə, Prezident təqaüdünə layiq görülənlər arasında H. Quliyev adına Çaytumas məktəb-liseyin məzunu Hüseynli Pərizad Nizami qızı da var: "O, 2020-ci il buraxılış və ali məktəblərə qəbul imtahanlarında ümumilikdə yüksək nəticə göstərərək Azərbaycan Respublikasının Prezidenti cənab İlham Əliyevin Sərəncamına əsasən Prezident təqaüdünə layiq görülməklə rayonumuzun təhsilində növbəti uğura imza atıb.
Hüseynli Pərizad Nizami qızını Prezident təqaüdünə layiq görülməsi münasibəti ilə Qubadlı Rayon Təhsil Şöbəsi adından təbrik edir, uğurlarının davamlı olmasını, hər daim doğma vətəninə, millətinə ləyaqətlə xidmət etməsini arzu edirik".
Xəbərdən istifadə edərkən istinad etmək vacibdir.
