Cəbhədəki əsgərlərimizə minlərlə məktublar yazılmaqda davam edir. Növbəti məktub Sumqayıt məktəblisindən göndərilib; TTEL-in 1-ci sinif şagirdi Leyla İbişova Azərbaycan əsgərlərini qürurlandırıb. Məktubun qısa mətnini təqdim edirik:
Salam əsgər. Siz torpaqlarımızı düşməndən azad etmək üçün döyüşdünüz. Biz sizin sayənizdə rahat yaşayırıq. Mən də söz verirəm ki, sizin kimi vətənə layiqli övlad olacağam. Qələbə sevincini bizə yaşatdığınız üçün sizə təşəkkür edirəm. Göndərdiyim bu bayrağı Laçın şəhərində dalğalandırmağınızı xahiş edirəm.
Hörmətlə, Sumqayıt şəhəri, Texniki və Təbiət Elmləri Liseyinin 1E sinif şagirdi Leyla İbişova.
Qarabağ cəbhəsində könüllü döyüşən Rüfət və Ağa adlı əsgərlər məktubu aldıqdan sonra Leylaya təşəkkür ediblər. Onlar minnətdarlıq hisslərini özünəməxsus şəkildə - video ilə bildiriblər. Həmin kadrları təqdim edirik:
Xəbərdən istifadə edərkən istinad etmək vacibdir.
